ஐசிசி ஒருநாள் தரவரிசையில் பாகிஸ்தான் அணி மீண்டும் முதலாவது இடத்திற்கு முன்னேறியுள்ளது.
துபாய்,இந்தியா, பாகிஸ்தான் உள்ளிட்ட 6 அணிகள் பங்கேற்ற ஆசிய கிண்ண ஒருநாள் தொடர் மற்றும் ஆஸ்திரேலியா- தென் ஆப்பிரிக்கா இடையிலான 5 போட்டிகள் கொண்ட ஒருநாள் தொடர் முடிவடைந்தன. இந்நிலையில் சர்வதேச கிரிக்கெட் பேரவை (ஐசிசி) ஒருநாள் கிரிக்கெட்டில் அணிகளுக்கான தரவரிசை பட்டியலை வெளியிட்டுள்ளது.
அதில் நேற்று வரை தரவரிசையில் முதலிடத்தில் இருந்த ஆஸ்திரேலிய அணி தென் ஆப்பிரிக்காவுக்கு எதிரான கடைசி ஒருநாள் போட்டியில் தோல்வியை தழுவியதால் 3-வது இடத்திற்கு இடத்திற்கு தள்ளப்பட்டுள்ளது. அந்த அணி உலகக்கிண்ண தொடருக்கு முன் மீண்டும் முதலாவது இடத்திற்கு முன்னேற இந்தியாவுக்கு எதிரான 3 போட்டிகள் கொண்ட ஒருநாள் தொடரை 3-0 என முழுமையாக கைப்பற்ற வேண்டும் என்பது குறிப்பிடத்தக்கது.