நியூஸிலாந்து அணி அபார வெற்றி

2023 உலகக் கிண்ண கிரிக்கெட் தொடரின் முதல் போட்டியில் ,இங்கிலாந்தை 9 விக்கெட் வித்தியாசத்தில் வீழ்த்தி நியூஸிலாந்து அணி அபார வெற்றி பெற்றுள்ளது.
ஐசிசி 50 ஓவர் உலகக் கிண்ண கிரிக்கெட் போட்டி இன்று (05) இந்தியாவில் ஆரம்பமானது. தொடக்க நாளான இன்று முதல் ஆட்டத்தில் இங்கிலாந்து – நியூஸிலாந்து அணிகள் அகமதாபாத்தில் நரேந்திர மோடி மைதானத்தில் விளையாடின.. நாணய சுழற்கியில் வென்ற நியூஸிலாந்து முதலில் களதடுப்பில் ஈடுபட்டது. இங்கிலாந்து அணியில் சிரேஷ்ட வீரர் பென் ஸ்டோக்ஸ் காயம் காரணமாக இடம்பெறவில்லை. நியூஸிலாந்து அணியில் டிம் சவுத்தி இடம்பெறவில்லை.
முதலில் துடுப்பெடுத்தாடிய இங்கிலாந்து அணி 50 ஓவர்களில் 09 விக்கெட்டுக்களை இழந்து 282 ஓட்டங்களை பெற்றது.
நியூசிலாந்து அணியின் மாட் ஹென்றி 48 ஓட்டங்களுக்கு 03 விக்கெட்டுக்களை கைப்பற்றினார்.
283 ஓட்டங்கள் என்ற வெற்றியிலக்கை நோக்கி துடுப்பெடுத்தாடிய நியூசிலாந்து அணி 36.2 ஓவர்களில் ஒரு விக்கெட்டை மாத்திரம் இழந்து வெற்றியிலக்கை அடைந்தது.
அணியின் சார்பில் டெவோன் கொன்வே 152 ஓட்டங்களையும், ரச்சின் ரவீந்திர 122 ஓட்டங்களையும் பெற்றனர்.
பந்துவீச்சில், இங்கிலாந்து அணியின் செம் கர்ரன் 47 ஓட்டங்களுக்கு ஒரு விக்கெட்டை கைப்பற்றினார்.
போட்டியில் நியூசிலாந்து அணி 9 விக்கெட்டுக்களால் வெற்றிப்பெற்றது.