රක්ෂිත බන්ධනාගාරගත කර සිටින ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නීතිඥ නාමල් රාජපක්ෂ හෙට සිට ඇරඹෙන පාර්ලිමේන්තු සතියේදී පාර්ලිමේන්තු රැස්වීම් සඳහා සහභාගීවීමට අපේක්ෂා කරනා බව ශ්රී ලංකා පොදුජන පෙරමුණේ ප්රකාශකයෙක් පැවසීය .
ඒ අනුව ඊට අවශ්ය පහසුකම් සපයන ලෙස ඉල්ලා මහලේකම් නීතිඥ කුෂාණි රෝහණදීර වෙත හෙට දිනයේ ලිපියක් යොමුකිරීමට නාමල් රාජපක්ස මන්ත්රීවරයා කටයුතු කරනු ඇතිබව වාර්තා වේ.
ඒ අනුව අගහරුවාදා (08) සිට ලබන 11 වැනිදා දක්වා පැවැත්වීමට නියමිත පර්ලිමේන්තු සැසිවාර සඳහා සහභාගී වීමට නාමල් රාජපක්ෂ හට අවස්ථාව හිමිවනු ඇතැයි ශ්රී ලංකා පොදුජන පෙරමුණේ ප්රකශකයෙක් පැවසීය .
එයාර් බස් ගනුදෙනුවේදී අල්ලස් ලබාගත්තේ යැයි කියන සිද්ධියකට අදාළව අත්අඩංගුවට ගත් නාමල් රාජපක්ෂ, කොළඹ ප්රධාන මහේස්ත්රාත් අසංග එස්. බෝදරගම විසින් ලබන 18 වැනිදා දක්වා රක්ෂිත බන්ධනාගාරගත කිරීමට නියෝග කර තිබේ.