අටමස්ථානාධිපති ධුරයේ කටයුතු ආවරණය කිරීම සඳහා උතුරු මධ්යම දිසාවේ ප්රධාන සංඝනායක, රුවන්වැලි චෛත්යාරාමාධිකාරි පූජ්ය ඊතලවැටුණුවැවේ ඥානතිලක නාහිමියන් තාවකාලිකව පත්කිරීමට අටමස්ථාන කමිටුව තීරණය කළ බව මල්වතු මහා විහාරය නිවේදනයක් කිකුත් කරමින් පවසයි .
මල්වතු මහා විහාර පාර්ශ්වයේ නුවර කලාවියේ ප්රධාන සංඝනායක හා අටමස්ථානාධිපති, පූජ්ය පල්ලේගම හේමරතන හිමියන් සම්බන්ධයෙන් එල්ල වී ඇති චෝදනාව පිළිබඳ පවතින අධිකරණ කටයුතු අවසන් වී ඒ පිළිබඳ අවසන් තීරණයක් ලැබෙනතුරු ඊතලවැටුණුවැවේ ඥානතිලක නාහිමියෝ එම ධුරයේ කටයුතු කරනු ඇති බව එම නිවේදනයේ සඳහන්ය.
මල්වතු පාර්ශ්වයේ ලේඛකාධිකාරී ආචාර්ය පූජ්ය පහමුණේ සුමංගල නාහිමියන්ගේ අත්සනින් එම නිවේදනය නිකුත් කර තිබෙනවා.
