කන්කසන්තුරට සිට කල්පිටිය දක්වා මුහුදු ප්රදේශවල නැවත දැනුම්දෙන තුරු යාත්රා කිරීමෙන් වළකින ලෙස කාලගුණ විද්යා දෙපාර්තමේන්තුව ධිවර සහ නාවික ප්රජාවට දැනුම් දෙයි .
මේ සම්බන්ධයෙන් එම දෙපාර්තමේන්තුව නිකුත්කළ නිවේදනයක් සඳහන් වෙන්නේ කන්කසන්තුරය සිට මන්නාරම හරහා කල්පිටිය දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය විටින් විට පැයට කිලෝමීටර් 60-70 දක්වා වැඩිවන බැවින් එම මුහුදු ප්රදේශ ඉතා රළු විය හැකි බවය. එම නිසා නැවත දැනුම්දෙන තුරු එම ප්රදේශයට යාත්රා නොකරන ලෙස නාවික සහ ධීවර ප්රජාවන්ට කාලගුණ විද්යා දෙපාර්තමේන්තුව දැනුම් දෙයි .
ත්රිකුණාමලය සිට මුලතිව් හරහා කන්කසන්තුරය දක්වා සහ කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය විටින් විට පැයට කිලෝමීටර් 50-60 දක්වා වැඩි විය හැකි බවත් එම මුහුදු ප්රදේශ විටින් විට රළු විය හැකි බවත් කාලගුණ විද්යා දොපාර්තමේන්තුව අනතුරු අඟවයි .
එමෙන්ම මන්නාරම සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල මුහුදු රළ උස මීටර් 2.0-2.5ක් පමණ ඉහළ යාමේ හැකියාවක් පවතින බවද කාලගුණ විද්යා දෙපාර්තමේන්තුව නිවේදනයක් නිකුත් කරමින් සඳහන් කර ඇත.