අද දින (2026.01.01) අලුයම් කාලයේ අම්බලන්තොට පොලිස් වසමේ අම්බලන්තොට ගිරිහඩු විහාරස්ථානය අසන්නයේ රාත්රී මුර සංචාර රාජකාරි යෙදී සිටි පොලිස් නිලධාරීන් කණ්ඩායමක් අනතුරකට මුහුණ දී ඇත.
මෙම පොලිස් නිළධාරීන් පිරිස තංගල්ල දෙස සිට කතරගම දෙසට ධාවනය වූ මෝටර් රියක් නතර කිරීමට සංඥා කළ අවස්ථාවේ එම රිය පොලිස් නිළධාරින් හප්පා පලාගොස් ඇත. එම
අනතුරින් පොලිස් කොස්තාපල් වරයෙකු හා සිවිල් ආරක්ෂක භටයෙකු තුවාල ලබා අම්බලන්තොට රෝහලට ඇතුලත් කිරීමෙන් පසු පොලිස් කොස්තාපල් වරයා වැඩිදුර ප්රතිකාර සඳහා හම්බන්තොට රෝහලට ඇතුලත් කර ඇත . එහිදී එම පොලිස් ලොස්තාපල්වරයා මියගොස් ඇත.
මරණකරු වයස අවුරුදු 43 ක් වූ සුරියවැව ප්රදේශයේ පදිංචි අම්බලන්තොට පොලිස් ස්ථානයට අනුයුක්තව රාජකාරි කළ පොලිස් කොස්තාපල් වරයෙකි.
අනතුර සිදුකළ මෝටර් රථය හා එහි ගමන්ගත් පුද්ගයෙකු අත්අඩංගුවට ගෙන ඇති අතර කාර් රථයේ රියදුරු පලාගොස් ඇත. අම්බලන්තොට පොලිසිය වැඩිදුර විර්මශන සිදුකරනු ලබයි.