ඉබෝලා වෛරස් වසංගත තත්ත්වය මහජන සෞඛ්ය හදිසි තත්ත්වයක් ලෙස ලෝක සෞඛ්ය සංවිධානය නිවේදනය කර ඇත .
ඊට සමගාමීව ලෝක සෞඛ්ය සංවිධානයේ නිකුත්කර ඇති කරුණු 5 කින් සමන්විත ක්රියාමාර්ග අනුගමනය කිරීමට සෞඛ්ය අමාත්යාංශය තීරණය කර ඇත .
මේ සම්බන්ධයෙන් සෞඛ්ය සේවා අධ්යක්ෂ ජනරාල් වෛද්ය අසේල ගුණර්වධන අද (20) නිවේදනයක් නිකුත් කර තිබෙන අතර ඉබෝලා වෛරස් වසංගත තත්ත්වයක් කොංගෝ රාජ්යයේ සහ උගන්ඩාව යන රටවල් මේ වන විට උද්ගතව පවතින බවත් මෙය මහජන සෞඛ්ය හදිසි තත්ත්වයක් ලෙස ලෝක සෞඛ්ය සංවිධානය විසින් නිවේදනය කර ඇති බවත් එහි සඳහන් වෙයි.
ඒ අනුව එම තත්ත්වයට සමගාමීව ලෝක සෞඛ්ය සංවිධානයේ නිර්දේශ අනුව මෙරට තුළ පහත සඳහන් ක්රියාමාර්ග ගැනීමට සෞඛ්ය අමාත්යාංශය තීරණය කර ඇති බව එම නිවේදනයේ දැක්වෙයි .
එම ක්රියාමාර්ග පහතින්,
ගුවන්තොටුපළ ආශ්රිත නිරීක්ෂණය කිරීම ශක්තිමත් කිරීම.
සැක සහිත රෝගියකු වාර්තා වුවහොත් ඔහුට අවශ්ය ප්රතිකාර ලබාදීම සඳහා ජාතික බෝවන රෝග විද්යායාතනය මනාලෙස පෙර සුදානම් කර තැබීම.
අවශ්ය රෝග හඳුනා ගැනීම සඳහා වෛද්ය පර්යේෂණ ආයතනය සුදානම් කර තැබීම.
රට තුළ නිරීක්ෂණය කිරීමේ පද්ධතිය ශක්තිමත් කිරීම සහ ගෝලීය තත්ත්වය නිරන්තරයෙන් අධ්යනය කිරීම.
සෞඛ්ය අමාත්යාංශයේ වසංගත රෝග විද්යා අංශය අවශ්ය කටයුතු සඳහා ලෝක සෞඛ්ය සංවිධානය සමඟ මනා සම්බන්ධීකරණයක් සිදු කිරීම.
එමෙන්ම ලෝක සෞඛ්ය සංවිධානයේ නිර්ණායකයන්ට අනුව ශ්රී ලංකාව මෙම රෝගය සඳහා අඩු අවදානම් සහිත රටක් ලෙස නම් කර ඇති බවද සෞඛ්ය සේවා අධ්යක්ෂ ජනරාල්වරයා අදාල නිවේදනයේ සඳහන් කරයි . එබැවින් මෙම තත්ත්වය පිළිබඳ අනිසි බියක් මහජනතාව තුළ ඇතිකර ගැනීම අවශ්ය නොවන බවද එම නිවේදනයේ දැක්වෙයි .