මෙවර සිංහල අලුත් අවුරුද්ද උදා වුුුණේ ඊයේ (13) රාත්‍රී 9.05ට රවි ග්‍රහයා මීන රාශියෙන් මේෂ රාශියට ගෝචර වීමත් සමඟයි. ඒ අනුව අලුත් අවුරුදු උදා තත්කාල කේන්දර සටහනේ ලග්නය වෘශ්චික වන අතර එහි ග්‍රහ පිහිටීම එතරම්ම යහපත් ලෙස සැලකිය නොහැකි බවයි ජ්‍යොතීර්වේදීන් පවසන්නේ. විශේෂයෙන් අවුරුදු උදා තත්කාල කේන්දර සටහනට අනුව, අද සිට ඉදිරි දින 05 තුළ ජල විපත් පිළිබඳ වෙනදාටත් වඩා විමසිලිමත් වීම නුවණට හුරු වනවා.
මීට අමතරව දේපළ සහ කෘෂිකාර්මික අංශ පිළිබඳ අසුබ සිදුවීම්වලට බෙහෙවින් ඉඩකඩ ඇති බැවින් වෙනදාටත් වඩා ඉතා පරීක්ෂාකාරී ලෙස කටයුතු කළ යුතුයි.
තත්කාල කේන්දර සටහනට අනුව මෙම කාලය තුළ ජාතික මට්ටමේ ජනතා නියෝජිතයන් පිළිබඳ අසුබ ආරංචිවලට ද ඉඩකඩ පවතිනවා.
මැයි 09 වනදා තෙක් වන කාල සීමාව තුළ රටම දන්නා උගතෙකු හෝ බුද්ධිමතෙකු පිළිබඳ හෝ ජ්‍යෙෂ්ඨ මාධ්‍යවේදියකු හෝ දේශපාලනඥයෙකු පිළිබඳ අසුබ ආරංචියක් ලැබිය හැකියි.
අප්‍රේල් 23 වනදා තෙක් කාල සීමාව තුළ, රටට අසුබ ආරංචියක් ලැබීමක් හෝ විශේෂිත ගැටලුවක් නිර්මාණය වීමක් ද පෙන්නුම් කරන බව ජ්‍යොතීර්වේදීන් වැඩිදුරටත් පවසනවා.