හිටපු අමාත්ය හරින් ප්රනාන්දු මහතා සහ ජාතික තරුණ සේවා සභාව එක්ව සංවිධානය කළ ‘ස්මාර්ට් යූත්’ ප්රසංග මාලාව මෙහෙයවමින් ඉරාජ් වීරරත්න රුපියල් කෝටි ගණනක මුදලක් උපයා ඇති බවට සුදත්ත තිලකසිරි එල්ලකළ චෝදනා කර තිබුනි .
මෙම චෝදනා ප්රතික්ෂේප කරමින් ඉරාජ් වීරරත්න පවසන්නේ සති දෙකක් ඇතුළත එම චෝදනා ඔප්පු කරන ලෙසයි. තමන්ට එල්ල කරන දූෂණ චෝදනා ඔප්පු කළහොත් තමන් පැලවත්ත ප්රදේශයේ නිරුවතින් දිවීමට සූදානම් බව ඔහු පවසයි .
යම් හෙයකින් තමාට එරෙහිව නගනා චෝදනාව ඔප්පු කිරීමට අපොහොසත් වුවහොත් සුදා විසින් ද අභියෝගය භාරගත යුතු බවත් ඔහු සඳහන් කළේය.
තමන් අදාළ ප්රසංග මාලාවේ සංවිධායකවරයෙකු නොවන බවත්, ජාතික තරුණ සේවා සභාවේ ආරාධනය මත මහරගම ඇතුළු ස්ථාන දෙකක පමණක් ගායනයෙන් දායක වූ බවත් ඉරාජ් මෙහිදී පැහැදිලි කළේය.
එහිදී ද තරුණ තරුණියන් වෙනුවෙන් තමන් සාමාන්යයෙන් අය කරන මුදලට වඩා අඩු මුදලක් ලබාගත් බවත්, තමන්ට එරෙහිව එල්ල වන්නේ පදනම් විරහිත චෝදනා බවත් ඔහු වැඩිදුරටත් අවධාරණය කළේය.