මාතර, බ්රවුන්ස්හිල් ප්රදේශයේ පිහිටි අක්කර එකහමාරක ඉඩමක් මිලදී ගැනීමට අදාළව, පොලිස් මූල්ය අපරාධ කොට්ඨාසය විසින් හිටපු අමාත්ය බැසිල් රාජපක්ෂට එරෙහිව මාතර මහේස්ත්රාත් අධිකරණයේ නඩුවක් පවරා ඇත . අවස්ථා කිහිපයක්දීම එම නඩුවට පෙනී නොසිටීම නිසා මාතර මහේස්ත්රාත් මහේස්ත්රාත් චතුරංග දිසානායක වීසින් ඔහුට එරෙහිව වරෙන්තු නිකුත් කර ඇත . එම වරෙන්තුව යළි කැඳවන ලෙස බැසිල් රාජපක්ෂගේ නීතීඥයන් විසින් කළ ඉල්ලිම මාතර මහේස්ත්රාත්වරයා විසින් ප්රතික්ෂේප කර තිබෙනවා.
ඊයේ (19) දිනයේදී බැසිල් රාජපක්ෂ වෙනුවෙන් අධිකරණයට කරුණු දැක්වූ ජනාධිපති නීතීඥ අනිල් ද සිල්වා වෛද්ය වාර්තා ඉදිරිපත් කරමින් කියා සිටියේ, සිය සේවාදායකයා අසනීප තත්ත්වයෙන් පසුවන බැවින් විදෙස්ගතව ප්රතිකාර ලබන නිසා එදින අධිකරණයට පැමිණීමට නොහැකි වූ බවයි.
ඒ අනුව සැකකරුගේ සෞඛ්ය තත්ත්වය පිළිබඳ කරුණු සැලකිල්ලට ගනිමින්, ඔහුට නිකුත් කර ඇති වරෙන්තුව නැවත කැඳවීමේ නියෝගයක් නිකුත් කරන ලෙස ඔහුගේ නීතිඥවරුක් අද දින මෝසමක් ගොනු කරමින් අධිකරණයෙන් ඉල්ලා සිටිහ .
සැකකාර පාර්ශවය අධිකරණය හමුවට ඉදිරිපත් නොවී, ඒ ආකාරයෙන් වරෙන්තුව නැවත කැඳවීමට නීතිමය හැකියාවක් නොමැති බව ප්රකාශ කළ මහේස්ත්රාත්වරයා බැසිල් රාජපක්ෂට එරෙහිව නිකුත් කර ඇති වරෙන්තුව ඒ ආකාරයෙන්ම ක්රියාත්මක කිරීමට ප්රධාන නියෝග කළේය .