2026 වසරේ මේ දක්වා කාලය තුළ ඩෙංගු රෝගීන් 25,082ක් වාර්තා වී ඇති බව ජාතික ඩෙංගු මර්දන ඒකකය පවසයි.
එම ඒකකයේ ප්රජා වෛද්ය විශේෂඥ ප්රශිලා සමරවීර පෙන්වා දෙන්නේ, කොළඹ, ගම්පහ, මාතර, ගාල්ල, රත්නපුර, කලුතර යන දිස්ත්රික්කවලින් සහ කොළඹ මහනගර සභා සීමාවෙන් රෝගීන් වැඩි වශයෙන් වාර්තා වී ඇති බවය.
එමෙන්ම මේ වනවිට ඩෙංගු රෝගය හේතුවෙන් 12 දෙනෙකු මරණයට පත්ව ඇති බවද ඇය පවසන්නීය .
පුද්ගලයෙකුට දින 2කට වඩා උණ පවතී නම්, වහාම වෛද්යවරයෙකු හමු වී එය ඩෙංගු රෝගයදැයි තහවුරු කරගන්නා ලෙස වෛද්ය විශේෂඥ ප්රශිලා සමරවීර පවසයි . වෛද්ය නිර්දේශ ලබාගන්න තෙක් උණ සඳහා පැරසිටමෝල් හැර වෙනත් කිසිදු ඖෂධයක් භාවිතා නොකරන ලෙසත්, මදුරු දෂ්ටනයෙන් ආරක්ෂා වීම සඳහා මදුරු විකර්ශක භාවිතා කරන ලෙසත් ඇය ඉල්ලා සිටින්නීය.