ෂාරුක් ඛාන්ගේ නවතම ක්‍රියාදාම චිත්‍රපටය වන “Jawan” චිත්‍රපටයේ පළමු පූර්ව ප්‍රචාරක පටය අද (10) උදෑසන එළිදක්වා තිබේ.
කොලිවුඩ් සිනමාවේ දැවැන්ත චිත්‍රපට අධ්‍යක්ෂකවරයෙකු වන අට්ලි කුමාර් විසින් එම චිත්‍රපටය අධ්‍යක්ෂණය කර ඇත.
Jawan චිත්‍රපයටය ට බොලිවුඩ් සහ කොලිවුඩ් නළු නිළියන් රංගනයෙන් දායකත්වය දක්වයි.
මෙම චිත්‍රපටය Pathaan චිත්‍රපටයේ සාර්ථකත්වයෙන් පසු මෙමෙ වසරේ ෂාරුක්ගේ දෙවන චිත්‍රපටය වේ.
ෂාරුක් ඛාන්, නයන්තරා, ප්‍රියමානි, සන්‍යා මල්හෝත්‍රා, යොගි බාබූ, සුනිල් ගෝවර්, සිමාජීත් සින්ග් නග්රා, අසී බග්රී, මනහාර කුමාර් මෙම චිත්‍රපටයේ චරිත නිරූපනය කරන බව සඳහන් වේ.
ඉන්දියාවේ ප්‍රසිද්ධ සංගීතවේදියෙකු සහ තනු නිර්මාණකරු‍වෙකු වන අනිරුද් රවිචන්ද්‍ර විසින් මෙම චිත්‍රපටයේ සංගීත අධ්‍යක්ෂණය කර තිබේ.
බොලිවුඩ් සහ කොලිවුඩ් සම්මිශ්‍රණයකින් නිර්මාණය කර ඇති මෙම චිත්‍රපටය ඉන්දීය සිනමාවේ පෙරළියක් සිදුකරනු ඇති බවට විචාරකයෝ පවසති.
Jawan චිත්‍රපටයේ මංගල දර්ශනය එළැඹෙන සැප්තැම්බර් මස 07 වනදා ලොවපුරා එළිදැක්වීමට නියමිතය.