වෙනිසියුලාවට බලපෑ ඉතා දරුණු භූමිකම්පාව හේතුවෙන් මියගිය නිල මරණ සංඛ්යාව 2,295 දක්වා ඉහළ ගොස් තිබේ.
විපතට පත්වූවන් මුදාගැනීමේ මෙහෙයුම් අද (02) වන විට හත්වන දිනටත් ක්රියාත්මක වන අතර, අතුරුදන් වූවන් සොයාගැනීම සහ අවතැන් වූවන්ට සහන සැලසීම සම්බන්ධයෙන් එර රට නව රජය දැඩි අභියෝගයකට මුහුණ දී සිටී.
පසුගිය ජූනි 24 වන දින තත්පර 39 ක පරතරයක් ඇතිව වෙනිසියුලාවේ උතුරු-මධ්යම ප්රදේශයට රික්ටර් මාපකයේ 7.2 සහ 7.5 ක ප්රබලත්වයෙන් යුත් භූමිකම්පා දෙකක් බලපෑවේය.
නිකුත් කර ඇති නවතම වාර්තාවලට අනුව, මෙම අනතුරෙන් පුද්ගලයන් 11,267 දෙනෙකු තුවාල ලබා ඇත. ප්රධාන භූමිකම්පාවෙන් පසු පසුකම්පන 782 ක් වාර්තා වී ඇති නමුත්, එහි ප්රබලත්වය ක්රමයෙන් අඩුවෙමින් පැවතී බව සඳහන් වේ.
දැනට විපතට පත් ප්රදේශවල ජාත්යන්තර මුදාගැනීමේ නිලධාරීන් 4,000කට අධික පිරිසක් සහ වෙනිසියුලානු හමුදාව, පොලිසිය, ගිනි නිවන භටයන් ඇතුළු 26,000ක පිරිසක් සහ ස්වේච්ඡා සේවකයන් 17,800කට වැඩි පිරිසක් සහන සේවා සඳහා යොදවා තිබේ.
එක්සත් ජාතීන්ගේ සංවිධානය සහ ජාත්යන්තර ආධාර කණ්ඩායම් ඇස්තමේන්තු කර ඇති පරිදි, තවමත් පුද්ගලයන් 50,000කට ආසන්න සංඛ්යාවක් අතුරුදන්ව හෝ සොයා ගැනීමට නොහැකිව පසුවේ.
කඩා වැටුණු මහල් නිවාස සහ ගොඩනැගිලිවල සුන්බුන් අතර තවමත් විශාල පිරිසකගේ සිරුරු පවතින බවට මෙය සාක්ෂියක් වන අතර, මේ හේතුවෙන් සැබෑ මරණ සංඛ්යාව මීට වඩා බෙහෙවින් ඉහළ යා හැකි බවට වැසියන් බිය පළ කරති.