ජාත්‍යන්තර මලල ක්‍රීඩා පිටියේ දැක්වූ විශිෂ්ට දක්ෂතා හේතුවෙන්, ශ්‍රී ලංකාවේ හෙල්ල විසිකිරීමේ ශූර රුමේෂ් තරංග පතිරගේ 2026 වසරේ හොඳම ලෝක මලල ක්‍රීඩකයා සම්මානය සඳහා නිර්දේශ වී තිබේ.
නොවැම්බර් 29 වන දින මොනාකෝ හි පැවැත්වීමට නියමිත ලෝක මලල ක්‍රීඩා සම්මාන උළෙලට පෙර, ලෝක මලල ක්‍රීඩා සංගමය විසින් ප්‍රකාශයට පත් කරන ලද නාම යෝජනා 10 අතරට රුමේෂ් තරංග ද ඇතුළත්ව සිටියි.
2026 තරග වාරය තුළදී රුමේෂ් තරංග Ultimate Championship, Diamond League, ආසියානු ක්‍රීඩා උළෙල සහ පොදුරාජ්‍ය මණ්ඩලීය ක්‍රීඩා උළෙල යන ප්‍රධාන තරගාවලි සියල්ලේම හෙල්ල විසිකිරීමේ රන් පදක්කම් දිනා ගැනීමට සමත් විය.
ඊට අමතරව මීටර් 92.62 ක නව ජාතික වාර්තාවක් පිහිටුවමින් මෙතෙක් පැවති ලොව හොඳම දක්ෂතාව රොමේෂ් තරංග වාර්තා කර ඇත . ඔහු මෙම තරග වාරයේ සහභාගී වූ තරග 14 න් 13 කම ජයග්‍රහණය තහවුරු කර ගැනීමට සමත් වීම විශේෂත්වයකි.
ලෝක මලල ක්‍රීඩක සම්මානය සඳහා නිර්දේශ වූ ප්‍රථම ශ්‍රී ලාංකික ක්‍රීඩකයා ලෙස රුමේෂ් තරංග පතිරගේ ඉතිහාසයට එක්වේ.