හිටපු සෞඛ්‍ය අමාත්‍ය කෙහෙළිය රඹුක්වැල්ල විසින් විධිමත් හේතු දැක්වීමකින් තොරව ශ්‍රී ලංකා වෛද්‍ය සභාවෙන් ඉවත්කළ මහාචාර්ය ජයන්ත ජයවර්ධන යළි එහි සාමාජිකයෙකු ලෙස පත් කර තිබේ. සෞඛ්‍ය අමාත්‍ය වෛද්‍ය රමේෂ් පතිරණ විසින් ඊයේ සිට බලපැවැත්වෙන පරිදි මෙම පත්කිරිම කර ඇත.
නැවත සේවයේ පිහිටුවීම සඳහා කෘතඥතාව පළ කළ මහාචාර්ය ජයවර්ධන, ඔහුගේ පෙර සේවයෙන් පහකිරීමේ නීති විරෝධී බව සඳහන් කළේය. පසුගිය ඔක්තෝබර් මාසයේ තමා දරමින් සිටි තනතුරෙන් ඉවත්කරනා ලද්දේ කිසිදු සාධාරණ හේතු දැක්වීමකින් තොරව බව ඔහු කියා සිටී.
මහාචාර්ය ජයවර්ධන ප්‍රසව හා නාරිවේද ක්ෂේත්‍රයේ මෙන්ම ශ්‍රී ලංකාවේ වෛද්‍ය අධ්‍යාපන සහ සෞඛ්‍ය සේවා පද්ධතිය තුළ අධ්‍යයන සහ පරිපාලන තනතුරුවල පුළුල් පළපුරුද්දක් සහිත ප්‍රාමාණිකයෙකි.