ගම්පහ ප්‍රදේශයේ සංවිධානාත්මක අපරාධ සම්බන්ධයෙන් චෝදනා එල්ලව සිටි “පස් පොඩ්ඩා” නමින් හඳුන්වන පුද්ගලයාව වෙඩිතබා ඝාතනය කළ බවට සැකකෙරෙන පුද්ගලයා අත්අඩංගුවට ගැනුණා.
ඒ අද (10) උදෑසන කටුනායක ගුවන්තොටුපොළේදී.
ආගමන විගමන නිලධාරීන් විසින් ඔහුව අත්අඩංගුවට ගත් අතර අදාළ සැකකරු ගුවන් තොටුපොළ පොලීසිය වෙත බාරදීමට පියවර ගෙන තිබෙනවා.
සැකකරු මීගමුව, කිඹුලපිටිය ප්‍රදේශයේ පදිංචි පුද්ගලයෙක් .
මෙම සැකකරු ගම්පහ “පස් පොඩ්ඩා” නැමැත්තාව 2022 වසරේ ජූලි මස වෙඩිතබා ඝාතනය කිරීමෙන් පසුව, එක්සත් අරාබි එමීර් රාජ්‍යයේ සාජා නුවර බලා පළාගොස් ගිය බව සඳහන් වනවා.