සිරදඬුවමක් විඳිමින් සිටින ගලගොඩඅත්තේ ඥානසාර හිමි වෙනත් නඩු කටයුතු සඳහා අධිකරණයට ඉදිරිපත් කිරීමේදී චීවරය සහිතව ඉදිරිපත් කිරීමට පියවර ගන්නා ලෙස බන්ධනාගාර බලධාරීන්ට නියෝග කරන ලෙස ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනුකර තිබේ.
එම පෙත්සමේ වගඋත්තරකරුවන් ලෙස බන්ධනාගාර කොමසාරිස් ජනරාල්වරයා, අධිකරණ අමාත්‍යාංශයේ ලේකම්වරයා සහ නීතිපතිවරයා නම්කර තිබේ.
දැනට බන්ධනාගාරගතව සිටිනා ඥානසාර හිමි වෙනත් නඩු කටයුතු සඳහා අධිකරණයට ඉදිරිපත් කිරීමේදී පැවිදි ස්වරූපයට අනුකූලව චීවරය සහිතව ඉදිරිපත් කිරීමට අවශ්‍ය පියවර ගන්නා ලෙස බන්ධනාගාර බලධාරීන්ට නියෝගයක් නිකුත්කරන ලෙස පෙත්සම්කරු ඉල්ලා සිටී .
විශ්‍රාමික ගුවන් හමුදා නිලධාරියකු වන ශාන්ත ජයතිලක විසින් මෙම පෙත්සම ගොනුකර ඇත.