2021 වසරේ පැවති ශ්රී ලංකා විවාහක රූ රැජින තරගාවලියේ ජයග්රාහිකාව වූ පුෂ්පිකා ද සිල්වාට තුවාල සිදු කරමින්, ඇයගේ කිරුළ බලහත්කාරයෙන් ඉවත් කිරීමේ සිද්ධිය සම්බන්ධයෙන් ගොනුකර ඇති නඩුවේ තීන්දුව ඔක්තෝබර් 17 වනදා ප්රකාශයට පත් කරන බව කොළඹ ප්රධාන මහෙස්ත්රාත් අධිකරණය නියෝග කර තිබේ.
නඩුවේ සාක්ෂි විභාගය අද අවසන් වීමෙන් අනතුරුව කොළඹ ප්රධාන මහේස්ත්රාත් අසංග එස්. බෝදරගම විසින් මෙම නියෝගය නිකුත් කළේය.
මෙම නඩුවේ සැකකාරියන් ලෙස හිටපු විවාහක රූ රැජින ලෙස කිරුළ දිනාගත් කැරොලයින් ජූරි සහ විලාසිතා නිර්මාණ ශිල්පිනී චූලා පත්මේන්ද්ර යන අය නම් කර ඇත .
2021 වසරේ නෙළුම් පොකුණ රඟහලේ පැවති ශ්රී ලංකා විවාහක රූ රැජින අවසන් මහා තරගයේදී ජයග්රාහිකාව ලෙස කිරුළු පැළඳි පුෂ්පිකා ද සිල්වා වෙත පැමිණි මෙම සැකකාරියන් දෙදෙනා ඇයට පහර දී ඇයගේ කිරුළ බලහත්කාරයෙන් ගලවා ඉවත් කළ බවට කුරුඳුවත්ත පොලිසියට ඉදිරිපත් වූ පැමිණිල්ලකට අනුව මෙම නඩුව ගොනුකර තිබුණි.