‘දිට්වා’ සුළි කුණාටුවෙන් සිදු වූ ආපදාවෙන් රට යථාතත්ත්වයට ගොඩනැඟීම සඳහා ආරම්භ කරන ලද Rebuilding Sri Lanka වැඩසටහනට දේශීය මෙන්ම විදෙස්ගත ශ්රී ලාංකිකයන්ගෙන් සහ විවිධ ආයතනවලින් මූල්යාධාර විශාල වශයෙන් ලැබෙමින් පවති . මේවන විට එම අරමුදල සඳහා රුපියල් මිලියන 1,893ක් ලැබී ඇති බව මුදල්, ක්රම සම්පාදන සහ ආර්ථික සංවර්ධන අමාත්යාංශයේ ලේකම් ආචාර්ය හර්ෂණ සූරියප්පෙරුම ප්රකාශ කරයි.
මෙම සුළි කුණාටුවෙන් හානි වූ ව්යාපාර සහ දේපළ වෙනුවෙන් වන්දි ලබා දීමේ වැඩපිළිවෙළක් සකස් කිරීම සඳහා වූ සාකච්ඡාවක් ශ්රී ලංකා රක්ෂණ නියාමන කොමිෂන් සභාවේ ප්රධානත්වයෙන් සහ සියලුම රක්ෂණ ආයතනවල ප්රධානීන්ගේ සහභාගිත්වයෙන් පැවැත් වූ බවද ඔහු පැවසීය .
එම සාකච්ඡාවේදී අනාවරණය වූ පරිදි මෙම ආපදා තත්ත්වය තුළ හානියට පත් ව්යාපාර, දේපළ සහ ජීවිත වෙනුවෙන් කඩිනමින් වන්දි ලබා දීමේ ක්රමවේදයක් දැනටමත් සියලුම රක්ෂණ සමාගම් ආරම්භ කර ඇති බවද ලේකම්වරයා එහිදී සඳහන් කළේය.