සංවිධානාත්මක අපරාධ කල්ලි සාමාජිකයන් අත්අඩංගුවට ගැනීම සදහා පොලිස්පතිවරයාගේ උපදෙස් මත ආරම්භ කළ විශේෂ මෙහෙයුමට අනුව ඊයේ (18) දිනයේ දී අපරාධ කල්ලි සාමාජිකයන් 7ක් අත්අඩංගුවට ගෙන තිබෙනවා.
කළුතර, ගාල්ල, කොළඹ, බස්නාහිර පළාත් දකුණ හා බස්නාහිර පළාත් උතුර අපරාධ කොට්ඨාසයේ විශේෂ පොලිස් කණ්ඩායම් විසින් සිදුකළ වැටලීම් මගින් එම සැකකරුවන් අත්අඩංගුවට ගත් බව පොලිස් මාධ්‍ය කොට්ඨාසය නිවේදනය කළා.
අත්අඩංගුවට ගත් අපරාධකල්ලි සාමාජිකයන් 07ට අමතරව ඔවුන් සමග විවිධ සම්බන්ධතා දක්වමින් අපරාධවලට සහාය දැක්වූ බවට සැකකෙරෙන තවත් සැකකරුවන් 10ක් ද අත්අඩංගුවට ගත් බව එම නිවේදනයේ වැඩිදුරටත් සඳහන්.
