ඉල්ලීම් කිහිපයක් මුල් කර ගනිමින් මහජන සෞඛ්‍ය පරීක්ෂකවරුන්ගේ සංගමය හෙට සහ අනිද්දා (සඳුදා සහ අඟහරුවාදා ) දීපව්‍යප්ත වැඩ වර්ජන ක්‍රියාමාර්ගයක් දියත් කිරීමට තීරණය කළ බව සංගමයේ ලේකම් ශානක බෝපිටිය පැවසීය.
මාධ්‍ය අමතමින් ඔහු පැවසූවේ මහජන සෞඛ්‍ය පරීක්ෂකවරුන් මුහුණ දෙන වෘතීය ගැටළු සෞඛ්‍ය අමාත්‍යාංශයට දන්වා ඇතත් මෙතෙක් සතුටුදායක ප්‍රතිචාරයක් ලැබී නැති බැවින් මෙම පියවර ගත් බවය.
සංගමයේ ලේකම්වරයාට අනුව, ක්ෂේත්‍ර රාජකාරි සඳහා ලබා දෙන සැතපුම් කුලී සහ ප්‍රවාහන දීමනාව වැඩි නොකිරීමට ප්‍රධාන කරුණක් වේ.
“මෙම දීමනා ඉහළ යන ජීවන වියදම, ඉන්ධන මිල සහ යතුරුපැදි නඩත්තු වියදම් සමඟ සමපාත නොවීම නිසා මහජන සෞඛ්‍ය පරීක්ෂකවරුන්ට මූල්‍ය දුෂ්කරතා ඇති වී ඇති බව සංගමයේ ලේකම්වරයා පැවසීය.
කෙසේ වෙතත් වරාය, ගුවන් තොටුපළ, ලේ බැංකුව, මාතෘ රෝහල්, ළමා රෝහල, වකුගඩු ඒකක සහ පුහුණු කටයුතු වැනි තෝරාගත් සෞඛ්‍ය ආයතනවලට වැඩවර්ජනය හේතුවෙන් බාධාවක් සිදු නොවන බව තහවුරු කළේය