පසුගියදා අධිකරණ තීන්දුවකින් සිය මන්ත්‍රීධුරය අහිමිවූ හිටපු අමාත්‍ය නසීර් අහමඩ් හට නැගෙනහිර පළාත් ආණ්ඩුකාර ධූරය පිරිනැමීමට නියමිත බව වාර්තාවේ .
ඒ අනුව ප්‍රතමයෙන් වර්තමානයේ නැගෙනහිර වත්මන් ආණ්ඩුකාර ධුරය හොබවන සෙන්දිල් තොණ්ඩමන් ඌව පළාත් ආණ්ඩුකාර ධූරයටත් ඌව පළාතේ වත්මන් ආණ්ඩුකාර ඒ.ජේ.එම්. මුසම්මිල් බස්නාහිර ආණ්ඩුකාර ධූරයටත් පත්කිරිමට නියමිත බව දේශපාලන ආරංචි මාර්ග පවසයි.
දැනට බස්නාහිර ආණ්ඩුකාර ධූරය දරන හිටපු ගුවන් හමුදාපති රොෂාන් ගුණතිලකට තානාපති ධූරයක් හිමිවීමට ඉඩ පවතින බවද වාර්තා වෙයි.
මෙම සියලු පත්වීම් සහ ස්ථාන මාරු අයවැය සම්මත්‍ය වීමෙන් පසු ලබන ජනවාරි මස සිට ක්‍රියාත්මක කිරීමට නියමිත බව වාර්තා වේ.