මේ දිනවල තාවකාලිකව ජාත්‍යන්තර ක්‍රිකට් පිටියෙන් ඉවත්ව සිටි විරාත් කෝලි, එළඹෙන විස්සයි විස්ස ලෝක කුසලානයෙන් ඉවත් කිරීමට ඉඩ ඇතැයි ඉන්දීය මාධ්‍ය වාර්තා කරනවා.
කෙසේ වෙතත් ඔහු ඉදිරියේ දී ආරම්භ වන IPL 2024 තරගාවලියේදී රෝයල් චැලෙන්ජර්ස් බැංගලෝර් (RCB) වෙනුවෙන් ක්‍රීඩා කරනු ඇති බවයි එම වාර්තාවල වැඩිදුරටත් දැක්වෙන්නේ.
කෝලි ව මේ ආකාරයෙන් ලෝක කුසලාන කණ්ඩායමෙන් ඉවත් කරනු ඇති බවට මාධ්‍ය වාර්තාවල පළ වන්නේ, කෝලි, ක්‍රිකට් පිටියෙන් කළකට ඈත් වී සිටි නිසා ඔහුගේ ප්‍රහාරාත්මක පිතිකරණ රිද්මය ඔහුගෙන් ගිලිහී ගොස් ඇති බවට වන උපකල්පනය සමගයි.
ඒ අනුව එම මාධ්‍ය වාර්තා වැඩිදුරටත් පෙන්වා දෙන්නේ, තවත් දින කිහිපයකින් IPL තරගාවලිය ආරම්භ කළත්, ඔහුට ජාත්‍යන්තර විස්සයි20 ක්‍රිකට් ක්‍රීඩාවට ගැලපෙන රිද්මයට අනුගත විය නොහැකි බවයි.