සමාජ නොසන්සුන්තාවයන් ඇති කරමින් ඇතැම් පුද්ගලයන් විසින් මූලික ආගමික ඉගැන්වීම් විකෘති කිරීම වැළැක්වීමට නව නීති සම්පාදනය කිරීමට රජය කටයුතු කරමින් සිටින බව බුද්ධශාසන, ආගමික හා සංස්කෘතික කටයුතු අමාත්‍ය විදුර වික්‍රමනායක පැවසීය.
අමාත්‍යවරයා මෙම අදහස් පළ කළේ සිය අනුගාමිකයින් කිහිප දෙනෙකු සියදිවි නසාගැනීමට පොළඹවන ලද බණ දේශනාවේදී ආන්දෝලනාත්මක දේශකවරයා සම්බන්ධයෙන් කළ විමසීමකට පිළිතුරු ලබාදෙමින්.
විවිධ පුද්ගලයන් විසින් මෙහෙයවනු ලබන එවැනි ආගමික ඇදහිලි පිළිබඳව සොයා බැලීමට කැබිනට් මණ්ඩලය විසින් කමිටුවක් පත් කළ බව වික්‍රමනායක පැවසීය.
“රටේ නීතිමය රාමුව තුළ සෑම කෙනෙකුටම තම ආගම ඇදහීමට හැකි පරිසරයක් නිර්මාණය කිරීමට අපට අවශ්‍යයි,” ඔහු වැඩි දුරටත් පැවසීය .
මේ පිළිබඳව අදහස් දක්වමින් අමාත්‍යාංශ ලේකම් සෝමරත්න විදානපතිරණ පැවසුවේ,
ඊට අදාල වාර්තාව හැකි ඉක්මනින් ඉදිරිපත් කිරීමට නියමිත බවය . එම වාර්තාව පදනම් කරගෙන නීතිමය රාමුව සකස් කිරීමට සැලසුම් කරනා බව ඔහු පැවසීය.