ගනුදෙනුකරුවන් වෙනුවෙන් නිරන්තරයෙන්ම උපරිම ප්‍රතිලාභ ලබා දීම වෙනුවෙන් කැපවුණු SDB බැංකුව 2025 වසර සඳහා සිය ස්ථාවර තැන්පතු සඳහා ප්‍රවර්ධන වැඩසටහන දියත් කරමින් පස් අවුරුදු ස්ථාවර තැන්පතු සඳහා හොඳම පොලී අනුපාතයක් හඳුන්වාදීමට කටයුතු කර ඇත. මෙම ප්‍රවර්ධන වැඩසටහන පාරිභෝගිකයින් හට සුරක්ෂිත සහ හොඳම ප්‍රතිලාභ ලබා දෙන ආයෝජනයක් සඳහා දොරටු විවර කරන අතර ඔවුන්ට ඒ හරහා සිය මූල්‍ය ඉලක්කයන් විශ්වාසයෙන් යුතුව සාර්ථකව සපුරා ගැනීම සඳහා අවස්ථාව උදා වනු ඇත.
මේ විශේෂ ප්‍රවර්ධන සමය තුළ SDB බැංකුව පසු අවුරුදු ස්ථාවර තැන්පතු සැළසුම් සඳහා මාසික පොලිය ලබා ගන්නේ නම් 9.75% ක වාර්ෂික පොලී අනුපාතයකුත් කල් පිරීමේදී 13% ක පොලී අනුපාතයකුත් ලබා දෙනු ඇත. ගනුදෙනුකරුවන්ට සිය ආයෝජනයන් සැළකිය යුතු අන්දමින් වර්ධනය කරගැනීමට අවස්ථාව සළසන මෙම අනුපාතයන් වෙනත් බොහෝ ආයතන විසින් ලබා දෙන අනුපාතයන්ට වඩා ඉහළ වන අතර SDB බැංකුව දීර්ඝ කාලීන ආයෝජනයන් සඳහා හොඳම තේරීම ලෙසින් ස්ථානගත කරයි. අනාගත සුරක්ෂිත බව, දරුවන්ගේ අධ්‍යාපන අවස්ථා, සුවපහසු විශ්‍රාම දිවියක් ආදී කුමන අවශ්‍යතාවයක් වෙනුවෙන් ඔබ මුදල් ඉතිරි කළත් ඒ සඳහා හොඳම අවස්ථාව දැන් ඔබට SDB බැංකුවේ ස්ථාවර තැන්පතු ක්‍රමය හරහා ලැබී ඇත.
“අපේ පස් අවුරුදු ස්ථාවර තැන්පතු සැළසුම් ගනුදෙනුකරුවන්ට ආරක්ෂිත සහ වෙළඳපොලේ පවතින හොඳම පොලී අනුපාතයන් හරහා හොඳම ප්‍රතිලාභ ලබා දෙන අනගි ආයෝජන අවස්ථාවක්. මේ සියල්ලටම අමතරව දිවයින පුරා SDB බැංකු ශාඛාවල සේවයේ නිරත, පාරිභෝගික සේවය වෙනුවෙන් කැපවුණු අපේ කාර්ය මණ්ඩලය ඔබේ මූල්‍ය ඉලක්ක ජයගැනීමට ලබා දිය හැකි සියළු සහය ලබා දීමට සැදී පැහැදී සිටිනවා. ඔබේ ළඟම පිහිටි SDB බැංකු ශාඛාවට පිවිස හෝ 0115 411411 දුරකතන අංකයෙන් සතියේ දින 7 ම පැය 24 පුරාම ක්‍රියාත්මක අපේ පාරිභෝගික සේවා මධ්‍යස්ථානය අමතා අපේ පස් අවුරුදු ස්ථාවර තැන්පතු ක්‍රමය පිළිබඳව වැඩිදුර තොරතුරු ලබා ගැනීමට අපි ඔබට ආරාධනා කර සිටිනවා” යැයි මේ පිළිබඳව වැඩිදුර අදහස් දක්වමින් SDB බැංකුවේ ප්‍රධාන ව්‍යාපාර නිලධාරී චිත්‍රාල් ද සිල්වා මහතා පැවසීය.
ශ්‍රී ලාංකික ප්‍රජාවන්, සමූපකාර සංවිධාන, සුළු හා මධ්‍ය පරිමාණ ව්‍යවසායකයින් ඇතුළු සියළු ආකාරයේ ශ්‍රී ලාංකිකයින් සහ ආයතන සවිබල ගන්වන SDB බැංකුව සමඟ ස්ථාවර තැන්පතු ඇරඹීම ඔබේ ආයෝජනයට උපරිම ප්‍රතිලාභ ලබා දෙන අතරම ඔබට රටේ දියුණුවේ කොටස්කරුවෙක් වීමටද අවස්ථාව සළසනු ඇත.
SDB බැංකුව පිළිබඳව:
වසර 27කට වැඩි කාලයක් ශ්‍රී ලංකාවේ බැංකු ක්ෂේත්‍රය තුළ විශාල සේවාවක් සිදු කර ඇති SDB බැංකුව පුද්ගලයන්ට සහ ව්‍යාපාරවලට ආරක්ෂිත සහ විශ්වාසනීය බැංකුකරණ විසඳුම් ලබා දීම සම්බන්ධයෙන් කීර්තියක් ලබා ඇත. SDB බැංකුව ශ්‍රී ලංකා මහ බැංකුව විසින් අධීක්ෂණය කරනු ලබන බලපත්‍රලාභී විශේෂිත බැංකුවක් වන අතර කොළඹ කොටස් වෙළෙඳපොලේ ප්‍රධාන මණ්ඩලයේ ලැයිස්තුගත කර ඇති Fitch Ratings Sri Lanka විසින් ‘BB+(lka)’ ණය ශ්‍රේණිගත කිරීමක් සහිත බැංකුවකි. සුළු හා මධ්‍ය පරිමාණ ව්‍යාපාරිකයන්ට සහයෝගය ලබා දීමෙන් සහ කාන්තා ව්‍යවසායකත්වය සංවර්ධනය කිරීම සඳහා දායකත්වය ලබා දීමෙන් SDB බැංකුව මෙරට තිරසාර සංවර්ධනය සහ ආර්ථික උන්නතිය වෙනුවෙන් කැප වී සිටියි. මීට අමතරව නිපුණතා සංවර්ධන, ව්‍යවසායකත්ව, මාර්ගෝපදේශන සහ උපදේශන වැඩසටහන්වලින් සමන්විත වැඩමුළු ඔස්සේ සුළු හා මධ්‍ය පරිමාණ ව්‍යාපාරිකයන්ට මූල්‍ය සේවාවන්ට වැඩි යමක් ලබා දෙමින් ඉතිරි කිරීම සඳහා දිරිගැන්වීමටත් මෙරට ආර්ථික සංවර්ධනය වේගවත් කිරීමටත් SDB බැංකුව කැප වී සිටියි. සිය මූල්‍ය ක්‍රියාකාරකම්වලදී ව්‍යාපාරික ප්‍රමුඛතාවයන්ට අමතරව තිරසාර එළඹුමකින් කටයුතු කරමින් පාරිසරික, සමාජ සහ පරිපාලන තිරසාරත්වය වෙනුවෙන් කැපවීමෙන් කටයුතු කිරීම කෙරෙහි ද SDB බැංකුව සැළකිලිමත් වෙයි.