සත්ව නිෂ්පාදන හා සෞඛ්ය දෙපාර්තමේන්තුව එළුවන් බෝ කිරීමේ ව්යාපෘතියකට පසුගිය වසරේදී රුපියල් නව කෝටියකට වැඩි වියදමක් දරා ඇතත් ඉන් උපයාගෙන ඇත්තේ ලක්ෂ විසි තුනක ආදායමක් පමණක් බව ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.
මේ අනුව එම ව්යාපෘතියේ අපේක්ෂිත අරමුණ ඉටුවී නොතිබූ බවද එහි දැක්වේ.
එළුවන් 250 දෙනෙකු ක්ෂේත්ර ගත කිරීමේ අරමුණින් ඉඹුල්දණ්ඩ එලු අභිජනන මධ්යස්ථානයේ බෝයර් වර්ගයේ එළු අභිජනන ව්යාපෘතිය ආරම්භ කර තිබිණ.
ව්යාපෘතියේ සැලසුම් කළ අරමුණු ඉටු කර ගැනීමට කටයුතු කළ යුතු බව විගණන අංශ සත්ව නිෂ්පාදන හා සෞඛ්ය දෙපාර්තමේන්තුවේ ප්රධානීන්ට නිර්දේශ කර ඇත.
මේ අතර කරදගොල්ල සත්ව පාලන විද්යාලයේ ඩිප්ලෝමා පාඨමාලා හැර ගිය සිසුන්ගේ ප්රතිශතය සියයට 27 ක් දක්වා ඉහළ අගයක් ගෙන තිබූ අතර පාඨමාලාව හැර යන සිසුන් වෙනුවෙන් දරන ලද වියදම අපතේ ගොස් තිබූ බව වාර්තාවේ සඳහන්වේ
මේ තොරතුරු සඳහන් වන්නේ සත්ව නිෂ්පාදන හා සෞඛ්ය දෙපාර්තමේන්තුවේ 2023 වාර්ෂික වාර්තාවට ඇතුළත් කරනු ලැබ ඇති විගණන වාර්තාවේය