ශ්‍රී ලංකා ටෙස්ට් සංචිතයට නම්කර සිටින කමිඳු මෙන්ඩිස් සහ ජෙෆ්රි වැන්ඩර්සේ හෙට (15) එංගලන්තය බලා පිටත්ව යාමට නියමිත බව ශ්‍රී ලංකා ක්‍රිකට් ආයතනය නිවේදනය කරනවා.
ශ්‍රී ලංකා ක්‍රිකට් කණ්ඩායම පසුගිය 11 වනදා එංගලන්තය බලා පිටත්ව ගිය අතර කමිඳු සහ ජෙෆ්රි යන ක්‍රීඩකයින් දෙදෙනාට එදින යාමට නොහැකි වුණා.
ඔවුන්ට ඒ වනවිට වීසා ලැබී නොතිබුණා.
ශ්‍රී ලංකාව සහ එංගලන්තය අතර ටෙස්ට් තරග 3ක් පැවැත්වීමට නියමිත අතර එහි පළමු තරගය අගෝස්තු 21 වනදා මැන්චෙස්ටර් හීදී ආරම්භ වනවා.