පිඹුරෙකු ගෙලේ රඳවාගෙන සත්වයාට හිංසා වන අයුරින් නර්තනයේ යෙදුණු බවට චෝදනා ලැබූ නෙත්මි හිරන්යා නැමැති තරුණිය වනජීවී දෙපාර්තමේන්තුව විසින් අද (24) අධිකරණයට ඉදිරිපත් කරන ලදි .
වනජීවී දෙපාර්තමේන්තුව සහ සැකකාර තරුණියගේ නීතීඥයන් ඉදිරිපත් කළ කරුණු සලකා බැලීමෙන් අනතුරුව ඇය රුපියල් ලක්ෂ 5 බැගින් වූ ශරීර ඇප දෙකක් මත මුදා හැරීමට කොළඹ අතිරේක මහේස්ත්රාත් එච්.ඩී.ඩී.ජේ. ප්රේමරත්න නියෝග කළේය .
කොළඹ කුරුඳුවත්ත රෝයල් මාර්ක්ස් අරීනා පරිශ්රයේ පැවැති රාජකීය අවුරුදු කුමරා කුමරිය තේරීමේ උත්සවයේදී මෙම නර්තනය ඉදිරිපත්කර ඇත . එහි දර්ශණ සමාජ මාධ්ය ඔස්සේ ප්රචාරය වීමත් සමග වනජීවී දෙපාර්තමේන්තුව දැඩි විවේචනයට ලක්විය .
ඊට අදාලව ප්රකශයක් ලබාගැනීමට මෙම තරුණිය වනජීවී දෙපාර්තමේන්තුවට කැඳවූ මුත් ඇය නොපැමිණි බව එම දෙපාර්තමේන්තුව වීසින් අධිකරණයට දැනුම් දීමෙන් අනතුරුව ඇය අත් අඩංගුවට ගැනීමට ඊයේ වරෙන්තු නිකුත්කරනා ලදි .
ඒ අනුව අදාළ සිද්ධිය සම්බන්ධයෙන් ප්රකාශයක් ලබා දීමට වනජීවී කාර්යාලයට පැමිණි අවස්ථාවේදී අද ඇයව අත්අඩංගුවට ගත් බව වන ජීවී දෙපාර්තමේන්තුව අධිකරණයට දන්වා සිටිනා ලදි .
මෙම නර්තනය සඳහා පිඹුරා ලබා දුන් බුත්තල ප්රදේශයේ පුද්ගලයාද අත්අඩංගුවට ගැනීමටත්, ප්රසිද්ධ රූපලාවණ්ය ශිල්පී චන්දිමාල් ජයසිංහගෙන්ද මීට අදාලව ප්රකාශයක් ලබාගැණීමට නියමිතය .