පාකිස්ථානයේ කරච්චි නුවර ලොව ‘අවම ජීවත් විය හැකි’ නාගරික මධ්‍යස්ථාන පහ අතරට ශ්‍රේණිගත කර තිබේ.
අර්ථශාස්ත්‍රඥයන්ගේ බුද්ධි ඒකකය (Economist Intelligence Unit -EIU) 2023 වෙනුවෙන් සකස් කරන ලද ජීවත් වීමට සුදුසු නගර පිළිබඳ ගෝලීය දර්ශකයේ මුළු නගර 173ක් අතරින් 169 වැනි ස්ථානයට පත්ව ඇත්තේ කරච්චි නගරයයි.
අර්ථශාස්ත්‍රඥයන්ගේ බුද්ධි ඒකකය යනු අර්ථශාස්ත්‍රඥයන්ගේ සමූහයේ පර්යේෂණ සහ විශ්ලේෂණ අංශය වන අතර ඔවුන් පර්යේෂණ සහ විශ්ලේෂණ හරහා අනාවැකි සහ උපදේශන සේවා සපයයි.
මෙම දර්ශකය ලොව පුරා නගරවල පශ්චාත් කොවිඩ් ප්‍රතිසාධනය කෙරෙහි අවධානය යොමු කරන අතර ජීවන තත්ත්වයන් ශ්‍රේණිගත කිරීම සිදුකර ඇත්තේ ස්ථාවරත්වය, සෞඛ්‍ය සේවා, සංස්කෘතිය සහ පරිසරය, අධ්‍යාපනය සහ යටිතල පහසුකම් ඇතුළු කාණ්ඩ පහක් මත පදනම්වය.
කරච්චි නුවරටත් පහලින් ශ්‍රේණිගත කර ඇත්තේ ලාගෝස් ,ඇල්ජියර්ස් , ට්‍රිපොලි සහ ඩැමස්කස් යන නගර බව එම වාර්තාවට අනුව හෙළි වේ.