තරුණියකගේ ඡායාරූප කිහිපයක් ඩිජිටල් ආකාරයෙන් අසභ්ය රූප බවට පරිවර්තනය කර අන්තර්ජාලයේ සංසරණය කිරීම සම්බන්ධයෙන් වරද පිළිගත් තරුණියකට කොළඹ ප්රධාන මහේස්ත්රාත් අසංග එස්. බෝදරගම ඊයේ රුපියල් 50,000ක වන්දියක් ගෙවන ලෙස සහ රුපියල් 5,000ක දඩයක් ගෙවීමට නියම කළේය.
තරුණියගේ රූප ෆේස්බුක් වෙතින් උපුටා ගෙන ඒවා අසභ්ය රූප බවට ඩිජිටල් ආකාරයෙන් වෙනස්කර එම රූප අන්තර්ජාලයට මුදා හැරීම සම්බන්ධයෙන් චෝදනා දෙකකට වැරදි කාරියක වු චූදිත තරුණියට එක් චෝදනාවකට රුපියල් 2,500ක දඩයක් සහ රුපියල් 25,000ක වන්දියක් බැගින් ගෙවන ලෙස මහේස්ත්රාත්වරයා විත්තිකාරියට නියෝග කළේය.
ඒ අනුව, අගතියට පත් තරුණියට වන්දි වශයෙන් රුපියල් 50,000ක් ගෙවන ලෙස මහේස්ත්රාත්වරයා සැකකරුට නියෝග කළේය.
කොළඹ පදිංචි අදාළ තරුණිය විසින් කරන ලද පැමිණිල්ලකට අනුව අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන අංශය සැකකාරියට එරෙහිව චෝදනා ගොනු කර තිබිණි.