ශ්‍රී ලංකාවේ වත්මන් ආර්ථික අර්බුදයෙන් විනාශයට පත් වූ ප්‍රජාවන් සඳහා ක්ෂණික මානුෂීය ප්‍රදානයන් ලබා දීමට සහ රටේ ආර්ථික තත්ත්වය ඉහළ නැංවීම සඳහා රාජ්‍ය අංශය සවිබල ගැන්වීම සඳහා ජපාන රජය සිය සහයෝගීතාවය දැකීමට තීරණය කර ඇත .
ඒ අනුව සමාජ සුබ සාධන ව්‍යාපෘති කිහිපයක් ක්‍රියාත්මක කිරීම සඳහා ජපාන ආර්ථික හා සමාජ සංවර්ධන වැඩසටහන යටතේ යෙන් බිලියන 1.6ක (ආසන්න වශයෙන් රුපියල් බිලියන 3.3ක) ප්‍රදානයක් ලබා ගැනීම සඳහා ජපාන රජය සමඟ ගිවිසුම් අත්සන් කිරීමට ආර්ථික ස්ථායීකරණ සහ ජාතික ප්‍රතිපත්ති අමාත්‍යවරයා ලෙස ජනාධිපති රනිල් වික්‍රමසිංහට අමාත්‍ය මණ්ඩල අනුමැතිය හිමිව ඇත.
ඒ අනුව, ජපන් ආර්ථික හා සමාජ සංවර්ධන වැඩසටහන යටතේ පහත සඳහන් ව්‍යාපෘති ක්‍රියාත්මක කිරීමට නියමිතය .
• ශ්‍රී ලංකා වෙරළ ආරක්ෂක බලකායේ තෙල් කාන්දුවීම් සඳහා ප්‍රතිචාර සහ කළමනාකරණ වැඩිදියුණු කිරීමේ ව්‍යාපෘතිය
• උතුරු පළාතේ ප්‍රධාන රෝහල්වල මාතෘ හා ළදරු ප්‍රතිකාර සඳහා ආධාරක උපකරණ සැපයීමේ ව්‍යාපෘතිය සහ උතුරු පළාතේ වෘත්තීය පුහුණු මධ්‍යස්ථානවල ඇඟලුම් පාඨමාලා සඳහා ආධාරක උපකරණ බෙදාදීමේ ව්‍යාපෘතිය.
• උතුරු හා නැඟෙනහිර පළාත්වල ධීවරයින්ගේ ආරක්ෂාව සඳහා ආධාරක උපකරණ පිරිනැමීමේ ව්‍යාපෘතිය