ග්රීක බැඳුම්කර සිද්ධියෙන් රජයට සිදුවී ඇති ඇස්තමේන්තුගත පාඩුව හිටපු මහ බැංකු අධිපති අජිත් නිවාඩ් කබ්රාල් මාස තුනක් ඇතුළත ආපසු ගෙවීමට අපොහොසත් වුවහොත්, ඔහුට එරෙහිව ගොනු කිරීමට නියමිත නව නඩුවක සාක්ෂිකරුවන් ලෙස නඩුවෙන් නිදහස් කරන ලද විත්තිකරුවන් දෙදෙනෙකු, කැඳවීමට අල්ලස් හෝ දූෂණ චෝදනා විමර්ශන කොමිසම සළකා බලමින් සිටින බව වාර්තා වේ.
කබ්රාල්ට එරෙහිව නව අධිචෝදනා පත්රයක් ඉදිරිපත් කිරීමට කොමිසම සළකා බලමින් සිටින්නේ හිටපු මහ බැංකු අධිපතිවරයාට එරෙහි නඩුව ඉල්ලා අස්කර ගැනීමේදී අල්ලස් හෝ දූෂණ චෝදනා විමර්ශන කොමිසම විසින් ඔහුට පැනවූ කොන්දේසිය සම්බන්ධයෙන් නීතිමය නියෝජනයන් ඉදිරිපත් කිරීමට ඔහුගේ නීතිඥයන් පියවර ගනිමින් සිටියදීය.
ආර්ථික අර්බුදයක් අතරතුර ග්රීක බැඳුම්කරවල ආයෝජනය කර එමඟින් රාජ්යයට පාඩුවක් සිදු කිරීම සම්බන්ධයෙන් අධිචෝදනා ගොනු කර ඇති නඩුවෙන් කබ්රාල් මෙම සතියේ කොළඹ මහාධිකරණය විසින් කොන්දේසි සහිතව නිදහස් කරන ලදී.
රජයට ඇස්තමේන්තුගත රුපියල් බිලියන 1.8ක පාඩුව මාස තුනක් ඇතුළත ආපසු ගෙවීමට ඔහුට නියෝග කරන ලදී.
කොන්දේසි සහිත නිදහස් කිරීම සම්බන්ධයෙන් කබ්රාල්ගේ නීතිඥ ඩිලාන් රත්නායක පැවසුවේ තම සේවාදායකයා සමඟ සාකච්ඡා කිරීමෙන් පසු ඉදිරි පියවර ගන්නා බවයි.
කබ්රාල් සන්ඩේ ටයිම්ස් පුවත්පතට පවසා ඇත්තේ තම නීතිඥයන් දැනටමත් අල්ලස් හෝ දූෂණ චෝදනා විමර්ශන කොමිසමට සහ අධිකරණයට ඔවුන්ගේ ස්ථාවරය ප්රකාශ කර ඇති බවයි.
අල්ලස් හෝ දූෂණ චෝදනා විමර්ශන කොමිසමේ ජ්යෙෂ්ඨ නිලධාරියකු මේ පිළ්ඊබඥ්ඩව කරනා ලද විමසුමකට පිළිතුරු දෙමින් පැවසූවේ කබ්රාල් රජයට සිදු වූ පාඩුව ආපසු ගෙවන තෙක් ඔවුන් බලා සිටින බවත්, ඔහු ප්රතිචාර දක්වන ආකාරය අනුව ඉදිරි පියවර ගන්නා බවත්ය.