උසස් පෙළ දෙමළ මාධ්‍යය පිළිතුරු පත්‍ර ඇගයීමේ මූලික කටයුතු අද (21) ආරම්භ කළ බව ජනාධිපති මාධ්‍ය අංශය නිවෙදනය්ක් නිකුත් කරමින් පවසයි.
ඒ අනුව විෂයයන් කිහිපයකට අදාළව පාලක පිළිතුරු පත්‍ර සළකුණු පටිපාටිය සම්මත කර ගැනීමේ ක්‍රියාවලිය මේ වන විට සිදු වෙමින් පවතින බව එම නිවේදනයේ සඳහන් වෙයි.
විභාග කොමසාරිස් ජනරාල් එච්.ජේ.එම්.සී. අමිත් ජයසුන්දර සඳහන් කර සිටියේ හින්දු ධර්මය, ක්‍රිස්තියානි ධර්මය, හින්දු ශිෂ්ටාචාරය, භරත නැටුම්, පෙරදිග සංගීතය, කර්නාටක සංගීතය, බටහිර සංගීතය, චිත්‍ර, නාට්‍ය හා රංග කලාව සහ හින්දි යන විෂයයන්ට අදාළව එම කටයුතු ආරම්භ කර ඇති බවයි.
යාපනය, කොළඹ, මඩකලපුව, ගම්පහ, කලුතර සහ කුරණෑගල යන නගර ආශ්‍රිත පිළිතුරු පත්‍ර ඇගයීම් මධ්‍යස්ථානවල දී එම කටයුතු සිදු කෙරෙන බවත් විභාග කොමසාරිස් ජනරාල්වරයා වැඩිදුරටත් සඳහන් කළේ.
විශ්ව විද්‍යාල ආචාර්යවරුන්ගේ වර්ජනය නිසා පිළිතුරු පත්‍ර ඇගයීම පමාවී තිබුනි. අධ්‍යාපනය අත්‍යාවශ්‍ය සේවාවක් කර විභාග රාජකාරි මග හරිනා අයගේ දෙපොල පවරා ගන්නා බව ජනාධිපති රනිල් වික්‍රමසිංහ ඊයේ පැවසීය. මේ සම්බන්ධයෙන් නිකුත් කළ නිවේදනය පහතින්.
