මහා පරිමාණ මත්ද්රව්ය ජාවාරම්කරුවෙකු ලෙස සැලකෙන ශිරාන් බාසික් අත්අඩංගුවට ගැනීම සම්බන්ධයෙන් මේ දක්වා නිල වශයෙන් දැනුම්දී නොමැති බව මහජන ආරක්ෂක අමාත්ය ආනන්ද විජේපාල පැවසීය .
කෙසේ වෙතත් ඔහු අත් අඩංගුවට ගත් බවට නිල නොවන ආරංචි මාර්ග ලැබී ඇති බවත් මේ සම්බන්ධයෙන් අවධානයෙන් පසුවන බවත් අමාත්යවරයා පැවසීය .
“ශිරාන් බාසික් අත්අඩංගුවට ගැනීම ගැන ඩුබායි රාජ්යයෙන් නිල දැනුම්දීමක් නැහැ. මේ පිළිබඳව යම් යම් තොරතුරු ප්රමාණයක් තිබුණා. මේ පිළිබඳව පොලිසිය අවධානයෙන් ඉන්නවා. විශේෂයෙන්ම අපාරාධ පරීක්ෂණ දෙපාර්තමේන්තුව අවධානයෙන් ඉන්නවා. ඉදිරි කාලයේදී මේ මත්ද්රව්ය අපරාධකරුවන් සම්බන්ධයෙන් පියවර ගන්නවා. රතු සහ නිල් නිවේදන නිකුත් කර තිබෙනවා. ඔවුන් නීතියේ රැහැනට කොටු කරගැනීම ඉදිරියේදී කරනවා.
මේ පිළිබඳව ජාත්යන්තර පොලිසිය හරහා සොයා බලමින් ඉන්නවා. මොන ආකාරයේ පුද්ගලයෙක් වුණත්, ඔහුව නීතියේ රැහැනට කොටු කරගන්න. අපි අවශ්ය පියවර අරගෙන තිබෙනවා.”
මහා පරිමාණ මත්ද්රව්ය ජාවාරම්කරුවෙකු ලෙස සැලකෙන ශිරාන් බාසික් නැමැත්තා ඩුබායිහිදී අත්අඩංගුවට ගෙන ඇති බවට පසුගිය සතියේ තොරතුරු වාර්තා විය.
ඉරානය මත්ද්රව්ය ජාලය සමග ඍජු සබඳතා පැවැතීම හේතුවෙන් මොහු අමෙරිකාවට පවා අවශ්යව සිටින තැනැත්තෙකු බව සඳහන් වේ .
ඔහු මෙරටට මත්ද්රව්ය සපයන මහා පරිමාණ ජාවාරම්කරුවන් 5 දෙනාගෙන් එක් අයෙකු ලෙස සැලකේ .