හිටපු පාර්ලිමේන්තු මන්ත්රී සහ ජනාධිපති නීතිඥ විජයදාස රාජපක්ෂ ශ්රී ලංකා නිදහස් පක්ෂයේ ජ්යෙෂ්ඨ නියෝජ්ය සභාපතිවරයෙකු ලෙස පත්කිරීමට අපේක්ෂා කරන බව පක්ෂ සභාපති නිමල් සිරිපාල ද සිල්වා පැවසීය.
ඒ අනුව ඔහුට ජ්යේෂ්ට උප සභාපති තනතුරට අමතරව කොළඹ දිස්ත්රික් නායක සහ මහරගම ආසන සංවිධායක යනතනතුරු දෙකද හිම්වීමට නියමිත බව වාර්තා වේ.
සිකුරාදා (12) පැවති ජනමාධ්ය හමුවකදී අදහස් දක්වමින් හෙතෙම පැවසුවේ, පක්ෂයේ ඉදිරි විධායක කමිටු රැස්වීමේදී මෙම පත්වීම අනුමත කිරීමට නියමිත බවයි.
ශ්රී ලංකා නිදහස් පක්ෂයට අදාළ දිගුකාලීන නීතිමය ආරවුල් දැන් විසඳා ඇති බවත්, සාකච්ඡා මාර්ගයෙන් ගැටළු විසඳීම සඳහා විජේදාස රාජපක්ෂ සමඟ එකඟතාවයකට පැමිණි බවත් ඔහු එහිදී සඳහන් කළේය .
විජේදාස රාජපක්ෂ පක්ෂයට සම්බන්ධ අධිකරණ නඩු හයක් ඉල්ලා අස්කර ගෙන ඇති බවත්, ඔහුට ශ්රී ලංකා නිදහස් පක්ෂයේ අනාගත දේශපාලන වැඩසටහනට සහාය දැක්වීමට ආරාධනා කර ඇති බවත් නිමල් සිරිපාල ද සිල්වා පැවසීය.