පාර්ලිමේන්තුව අද (21) සිට 24 වැනිදා දක්වා රැස්වීමට නියමිතව තිබෙන බව වාර්තා වේ. ඒ අනුව පාර්ලිමේන්තුව අද පෙරවරු 9.30 ට ආරම්භවීමට නියමිතය.
නීති අධ්‍යාපන සභා ආඥා පනත යටතේ අංක 2208/13 දරණ ගැසට් පත්‍රයේ පළකර ඇති රීති විවාද කිරීමකින් තොරව අනුමත කරගැනීමට නියමිතව තිබේ.
එසේම පාර්ලිමේන්තු මන්ත්‍රීවරයන්ගේ සහ පාර්ලිමේන්තුවේ වරප්‍රසාද කඩවීම සම්බන්ධව විමර්ශනය කිරීමට සහ ඒ සදහා සුදුසු නිර්දේශ ඉදිරිපත් කිරීම සදහා වන පාර්ලිමේන්තු විශේෂ කාරක සභාවේ නිර්දේශ ක්‍රියාත්මක කිරීම සදහා වන යෝජනා සම්මතය විවාදයට ගෙන අනුමැතිය ලබා ගැනීමට නියමිතව ඇති බවයි වැඩිදුරටත් සඳහන් වේ