රටම එකට ජාතික මෙහෙයුම යටතේ දිවයින පුරා ක්‍රියාත්මක කරන ලද විශේෂ පොලිස් මෙහෙයුම් මගින් ඊයේ (14) දිනයේදී සැකකරුවන් 1,056 දෙනෙකු පොලීස් අත්අඩංගුවට පත්ව ඇතිබව වාර්තා වේ .
දිවයින පුරා මත්ද්‍රව්‍ය සැපයුම අඩාල කිරීම, මත්ද්‍රව්‍යවලට ඇති ඉල්ලුම අවම කිරීම, මෙහෙයුම් පුළුල් කිරීම, ඇබ්බැහිවූවන් පුනරුත්තාපනය කිරීම, මත්ද්‍රව්‍ය දුර්භාවිතය වැළැක්වීම අරමුණු කර මෙම මෙහෙයුම ක්‍රියාත්මක වෙයි.
ඒ අනුව ඊයේ දිනයේදී වැටලීම් 1,065ක් සිදුකර ඇති අතර එහිදී මෙම සැකකරුවන් පොලීසිය විසින් අත්අඩංගුවට ගෙන තිබේ.
මෙම මෙහෙයුම් තුළදී රැඳවුම් නියෝග ලබා ගත් සැකකරුවන් 39ක් ද තවත් සැකකරුවන් 53 දෙනෙක් පුනරුත්තාපනයට යොමු කිරීමටද පොලීසිය පියවර ගෙන ඇත.
තවද මෙම මෙහෙයුම් මගින් හෙරොයින් ග්‍රෑම් 331ක් ද, අයිස් කිලේ 1 ග්‍රෑම් 173ක්, ගංජා කිලෝ 03 ග්‍රෑම් 109ක් ගංජා පැල 52,165ක්, හෂීස් 332ක්, මත්පෙති 2,012, මදනමෝදක 572 මාවා කිලෝ 6 ග්‍රෑම් 44ක් ද පොලිස් භාරයට ගෙන තිබේ.