පාර්ලිමේන්තු මන්ත්රීවරුන්ගේ විශ්රාම වැටුප් අහෝසිකිරීමේ පනත ගැන හිටපු අධිකරණ අමාත්ය ආචාර්ය විජේදාස රාජපක්ෂ සිය අදහස් දක්වයි . ජනාධිපති අනුර කුමාර දිසානායක එම පනත තමන්ට විශ්රාම වැටුප් දෙකක් හිමි වෙන පරිදි සකස්කර ඇතැයි හිටිපු අමාත්යවරයා පවසයි.
“වත්මන් ජනාධිපතිවරයා පාර්ලිමේන්තු මන්ත්රීවරුන්ගේ විශ්රාම වැටුප අහෝසි කිරීමට නව පනතක් ඉදිරිපත් කර තිබෙනවා. ඔහු එම පනත ගෙනැවිත් තිබෙන්නේ ඔහුගේ විශ්රාම වැටුප් දෙක ආරක්ෂා කර ගනිමින් බව පැහැදිලියි.
මන්ත්රීවරුන්ගේ විශ්රාම වැටුප අහෝසි කිරීමේ නව පනතට අනුව ජනාධිපතිවරයා ලෙස දින පහක් සේවය කළත් ඔහුට ඒ සඳහා විශ්රාම වැටුප හිමි වෙනවා. ඊට අමතරව ඔහු පාර්ලිමේන්තු මන්ත්රීවරයකු ලෙස විශ්රාම ගොස් සිටින බැවින් ඒ විශ්රාම වැටුපත් ඔහුට හිමිවෙනවා.
මේ අනුව බලන විට විශ්රාම වැටුප් දෙක අනුර කුමාර දිසානායක ජනාධිපතිවරයාට පමණක් නොව පාර්ලිමේන්තුවේ අවුරුදු පහක් සිට ජනාධිපති වූ සියලු දෙනාට හිමිවෙනවා.”
කොළඹදී මාධ්ය හමුවකට එක්වෙමින් විජයදාස රාජපක්ෂ මේ බව පැවසීය .