පෙබරවාරි මාසය සඳහා වන විශිෂ්ට ක්‍රිකට් ක්‍රීඩක කෙටි ලැයිස්තුවට ශ්‍රී ලංකාවේ පැතුම් නිස්සංක, නවසීලන්තයේ කේන් විලියම්සන් සහ ඉන්දියාවේ යශිෂ්වි ජෙයිශ්වාල් නම් කර ඇති බව ජාත්‍යන්තර ක්‍රිකට් කවුන්සිලය නිවේදනය කරනවා.
අයි.සී.සී මාසයේ ක්‍රීඩකයන් ලැයිස්තුවට මෙම ක්‍රීඩකයන් තිදෙනා නම් කර ඇත්තේ, ඔවුන් පසුගිය තරගවල දී පෙන්නුම් කළ දක්ෂතා පදනම් කර ගනිමින්.
මෙහි දී කේන් විලියම්සන් දකුණු අප්‍රිකාවට එරෙහිව දැක් වූ දක්ෂතාත්, යශිෂ්වි ජෙයිශ්වාල් එංගලන්තයට එරෙහි ටෙස්ට් තරගාවලියේ දී දැක් වූ දක්ෂතාත්, පැතුම් නිස්සංක ඇෆ්ගනිස්ථානයට එරෙහිව දැක් වූ දස්කම් ද මේ සඳහා ඉවහල් වී තිබෙනවා.
මෙම ක්‍රීඩකයන් තිදෙනාගෙන්, දෙදෙනෙකු ඉකුත් මාසය තුළ ද්විත්ව ශතක වාර්තා කර ඇති අතර, එහි දී පැතුම් නිස්සංක ඇෆ්ගනිස්ථානයට එරෙහිව එක්දින තරගයක දී ද්විත්ව ශතකයක් ද, යශිෂ්වි ජෙයිශ්වාල් එංගලන්තයට එරෙහිව ටෙස්ට් ද්විත්ව ශතකයක් ද වාර්තා කරගෙන තිබීම විශේෂත්වයක්.