දිස්ත්‍රික් 10 කට අදාලව තද වැසි ඇතිවීම පිළිබඳ කාලගුණ විද්‍යා දෙපාර්තමේන්තුව විසින් අවවාදාත්මක නිවේදනයක් නිකුත් කර ඇත .
මේ අනුව මිලිමීටර 100ක පමණ තද වැසි බස්නාහිර, සබරගමුව පළාත්වලත් ගාල්ල, මාතර, පුත්තලම, මහනුවර සහ නුවරඑළිය යන දිස්ත්‍රික්වලට ඇති විය හැකි බව කාළගුණ විද්‍යා දෙපාර්තමේන්තුව සඳහන් කරයි .
නිරිත දිග මෝසම සක්‍රීය වීමත් සමඟ මෙලෙස දිවයිනේ නිරිත දිග කොටසේ වැසි තත්ත්වය තවදුරටත් වර්ධනය විය හැකි බව කාලගුණ විද්‍යා දෙපාර්තමේන්තුව පවසයි .
මේ අතර පවතින අධික වැසි හමුවේ, රත්නපුර, කළුතර, කෑගල්ල, ගාල්ල සහ මහනුවර යන දිස්ත්‍රික්ක 05 කට පැන වූ නාය යෑමේ අනතුරු ඇඟවීම් ඊයේ (06) පස්වරුවේ යළි දීර්ඝ කර තිබේ .