එක්දින සහ විස්සයි 20 තරගාවලියකට එක්වීම සඳහා බටහිර ඉන්දීය කොදෙව් කාන්තා ක්‍රිකට් පිල ලබන මාසයේදී ශ්‍රී ලංකාවේ සංචාරයක නිරත වීමට නියමිතයි.
මෙහිදී ශ්‍රී ලංකා කාන්තා පිල සමගින් ඔවුන් තරග 3කින් සමන්විත එක්දින තරගාවලියකට සහ විස්සයි 20 තරගාවලියකට ක්‍රීඩා කිරීමට නියමිත බවට වාර්තා වනවා.
එක්දින තරගාවලිය ජුනි මස 15,16,සහ 21 යන දිනවල ගාල්ල ජාත්‍යන්තර ක්‍රිකට් ක්‍රීඩාංගණයේදීත් ,විස්සයි 20 තරගාවලිය 24, 26 සහ 28 යන දිනවල හම්බන්තොට මහින්ද රාජපක්ෂ ජාත්‍යන්තර ක්‍රීඩාංගණයේදීත් පැවැත්වෙනවා.
2015 වසරේ මයි මස එක්දින සහ විස්සයි 20 තරගාවලි ද්විත්වයකට පැමිණි අතර ,එහිදී එක්දින තරගාවලියක 3-1ක් ලෙසත් විස්සයි 20 තරගාවලිය 2-1ක් ලෙසත් ජයගැනීමට කොදෙව් කාන්තාවෝ සමත් වුණා.