ශ්‍රී ලංකාවේ ජපාන තානාපති මිසුකෝෂි හිඩෙකි මහතා සහ ජාතික ජන බලවේගයේ නායක අනුර කුමාර දිසානායක මහතා අතර හමුවක් අද (19) පෙරවරුවේ ජ.වි.පෙ. ප්‍රධාන කාර්යාලයේදී සිදු ව තිබෙනවා.
මෙම හමුව සඳහා ජපාන තානාපති කාර්යාලයේ නියෝජ්‍ය ප්‍රධානි කට්සුකි කොටරෝ මහතා සහ දෙවැනි ලේකම් ඉමායි කඔරි මහත්මියද ජාතික ජන බලවේගයේ ජාතික විධායක සභික විජිත හේරත් සහෝදරයා ද එක්ව තිබෙනවා.
එම හමුවේ දී ශ්‍රී ලංකාවේ ආර්ථික අර්බුදය සහ දේශපාලන තත්වය දීර්ඝ ලෙස සාකච්ඡාවට බඳුන් වී ඇති අතර එළඹෙන ජනාධිපතිවරණය පිළිබඳව ද එහි දී අදහස් හුවමාරු වී තිබෙනවා.
මේ අතර ජාත්‍යන්තර මූල්‍ය අරමුදලේ මැදිහත්වීම් පිළිබඳව ජාතික ජන බලවේගයේ ස්ථාවරය ජපාන රාජ්‍යතාන්ත්‍රික නියෝජිතයින්ට මෙහි දී පැහැදිලි කර දෙනු ලැබ ඇති අතර ඉදිරියට ද ශ්‍රී ලංකාවේ ආයෝජන සිදු කිරීමට ජපානයේ ඇති සූදානම ජපාන නියෝජිත පිරිස විසින් අවධාරණය කර තිබෙනවා.