ජනාධිපති රනිල් වික්‍රමසිංහ ජාතික ජන බලවේගයේ (NPP) මොළ සෝදා අවසන් බවත්, එම නිසා එහි නායකයා ඉන්දීය නායකයින් හමුවට ගිය බවත්, වරාය, නාවික සහ ගුවන් සේවා අමාත්‍ය නිමල් සිරිපාල ද සිල්වා පාර්ලිමේන්තුවේදී අද පැවසීය.
“ඉන්දියානු ව්‍යාප්තවාදය ගැන දේශන පැවැත්වූ අය අද ඉන්දීය නායකයන් හමුවීමට ගොස් ඇත . අදානි සමූහය සමඟ ව්‍යාපාරවලට යාම ගැන මෙම නායකයින් රජය විවේචනය කළ ආකාරය අපට මතකයි” ඔහු උපහාසාත්මකව පැවසීය.
“ දිරාගිය ඇඳුම් ඇඳගෙන සිටි අය ෆුල් සූට් ඇඳගෙන. මේ පියවර ගැන අපි සතුටු වෙනවා. මොකද රනිල් වික්‍රමසිංහ එයාලගේ මොළ සෝදන නිසා.” ඔහු පැවසීය.