බංග්ලාදේශ ශිෂ්‍ය ක්‍රියාකාරීන්ගේ කොන්දේසි පරිදි අද (06) පස්වරු 3 වනවිට බංග්ලාදේශ පාර්ලිමේන්තුව විසුරුවා හැර තිබෙනවා.
අන්තර්වාර රජයේ නායකයා ලෙස ශිෂ්‍ය ක්‍රියාකාරීන් යෝජනා කර ඇත්තේ, සමාජ ව්‍යවසායකයෙක්, ආර්ථික විද්‍යාඥයෙක් සහ සිවිල් සමාජ නායකයෙක් වන මුහම්මඩ් යුනුස් විසින් බවයි වාර්තා වන්නේ.
ශෙයික් හසීනාගේ දේශපාලන ප්‍රතිවාදියෙකු වන මුහම්මඩ් යුනුස් ක්ෂුද්‍ර ණය සහ ක්ෂුද්‍ර මූල්‍ය සංකල්පවල පුරෝගාමීත්වය වෙනුවෙන් 2006 වසරේ දී නොබෙල් සාම ත්‍යාගයද දිනා ගෙන තිබෙනවා.
එමෙන්ම ශිෂ්‍ය ක්‍රියාකාරීන් අවධාරණය කරන්නේ ඔවුන් හමුදා පාලනයකට එකඟ නොවන බවයි.