ඉකුත් පැය 24ක කාලය තුළ බිහිසුණු රිය අනතුරු කිහිපයක්ම වාර්තාවී තිබෙනවා.
කොස්ගම ශාලාව ප්‍රදේශයේ දී යතුරුපැදියක් සහ ලොරි රථයක් ගැටී සිදුවූ අනතුරකින් යතුරුපැදියේ ගමන්ගත් පුද්ගලයා ජීවිතක්ෂයට පත්ව ඇති අතර වැල්ලවාය තණමල්විල ප්‍රධාන මාර්ගයේ ආඳාවිලයායේදී මෝටර් රථයක් සහ ත්‍රිරෝද රථයක් ගැටී සිදුවූ අනතුරකින් කුඩා දරුවන් දෙදෙනෙකු ඇතුළු පස් දෙනෙකු තුවාල ලබා ඇති බව වාර්තා වනවා.
ශ්‍රි පාද වන්දනාවේ ගොස් එමින් සිටි පිරිසක් රැගත් වෑන් රථයක් පින්නවල ඩබල් වංගුවේ දී ප්‍රපාතයකට පෙරළීමෙන් පුද්ගලයින් හත්දෙනෙකු තුවාල ලබා රෝහල්ගත කර තිබෙනවා.
මුහුදුබඩ දුම්රිය මාර්ගයේ බලපිටිය පාතගම්ගොඩ මාදුව දුම්රිය හරස් මාර්ගයේදී කොළඹ සිට ගාල්ල බලා ධාවනය වූ සමුද්‍රා දේවී දුම්රියේ මෝටර් රථයක් ගැටී බලපිටිය මෝදර මහා දේවාලයේ ප්‍රධාන කපු මහතා සහ ඔහුගේ බිරිඳ තුවාල ලබා කරාපිටිය ශික්ෂණ රෝහලේ ප්‍රතිකාර ලබනවා.