සංචාරක ශ්‍රී ලංකා කාන්තා කණ්ඩායම සමඟ පැවැති දෙවන එක්දින ක්‍රිකට් තරගය කඩුලු 07කින් ජයගැනීමට දකුණු අප්‍රිකානු කාන්තා කණ්ඩායම සමත් වුණා.
තරගයේ ප්‍රථමයෙන් පන්දුවට පහර දුන් ශ්‍රී ලංකා කන්ඩායම පන්දුවාර 49.5ක් තුළ සියලු දෙනා දැවී රැස්කරගත් ලකුණු සංඛ්‍යාව 229ක්.
එහි දී නායිකා චමරි අතපත්තු ලකුණු 51, කවිෂා දිල්හාරි ලකුණු 42ක් සහ නිලක්ෂිකා ද සිල්වා ලකුණු 36ක් ලබාගත්තා.
පන්දු යැවීමේ දී අයබොංග කාකා සහ නඩීන් ද ක්ලාර්ක් කඩුලු තුන බැගින් බිඳහෙළීමටයි සමත් වුණේ.
අනතුරුව ජයග්‍රහණය සඳහා ලකුණු 230ක ඉලක්කයක් හඹා ගිය දකුණු අප්‍රිකානු කණ්ඩායම පන්දුවාර 47.4ක් තුළ කඩුලු තුනක් පමණක් දැවි තරගයේ ජය වාර්තා කළා