කොළඹ මහනාම විදුහල සංවිධාන කළ අවුරුදු 16න් පහළ ‘Colombo Slams‘ බාස්කට්බෝල් තරගාවලියේ ශූරතාව දිනා ගැනීමට සත්කාරක මහනාම විද්‍යාලයීය කණ්ඩායම සමත් වුණා.
එම විදුහලේ බාස්කට්බෝල් පිටියේ පසුගියදා පැවැති මේ තරගාවලියේ අවසන් මහා තරගයේදී කේරී විදුහල් පිලට එරෙහිව ලකුණු 55-41 ක ජයක් වාර්තා කරමින් මහනාම විදුහල් පිල ශූරතාවට හිමිකම් කීවා.
තරග 15කින් සමන්විත වුණු ‘Colombo Slams‘ බාස්කට්බෝල් තරගාවලියේ වටිනාම ක්‍රීඩකයා ලෙස මහනාම විදුහල් පිලේ තරුන් දම්සිළු සිල්වා සම්මාන දිනූ අතර, එම විදුහල් පිලේ හිමරු කරුණාරත්න තරගාවලියේ හොඳම ප්‍රහාරක ක්‍රීඩකයාගේ සම්මානය දිනා ගත්තා.
තරගාවලියේ හොඳම ආරක්ෂක ක්‍රීඩකයාගේ සම්මානය දිනා ගනු ලැබුවේ කේරී විදුහල් පිලේ අබ්දුල් ෂාහිඩ් විසිනි.
ජයග්‍රාහී මහනාම විදුහල් පිලේ නායකයා ලෙස චේතික සසුන් නෙත්මිර කටයුතු කළ අතර, තරුන් දම්සිළු සිල්වා කණ්ඩායමේ උපනායකයා ලෙස කටයුතු කළා.