රක්ෂිත බන්ධනාගාරගත කර සිටින පාර්ලිමේන්තු මන්ත්‍රි චාමර සම්පත් දසනායකට නිදාගැනීම සඳහා මෙට්ටයක් දෙන ලෙස කළ ඉල්ලීම වෛද්‍යවරුන් ප්‍රතික්ෂේප කර තිබේ.
මූල්‍ය වංචා චෝදනාවක් මත බන්ධනාගාරගතකර සිටින මන්ත්‍රිවරයාට කොන්දේ අමාරුවක් තිබීම නිසා මෙට්ටයක් දෙන ලෙස බන්ධනාගාරයෙන් ඉල්ලීමක් කළ බවත් එම ඉල්ලීම බන්ධනාගාර වෛද්‍යවරයාට යොමු කළ පසු එය ප්‍රතික්ෂේප වූ බවත් බන්ධනාගාර දෙපාර්තමේන්තුව සඳහන් කරයි. එවැන්නක් සැපයීමට වෛද්‍ය නිර්දේශය අනිවාර්ය වන අතර වෛද්‍ය නිර්දේශ නොමැතිව මෙට්ටයක් ලබා දීම කළ නොහැකි බවද පැවසේ.