සුපිරි බොලිවුඩ් නළු අර්ජුන් රාම්පාල් සහ විශ්ව රූ රැජිණ තරගයට ඉන්දියානු නියෝජනය වූ ශ්වේතා ෂර්දා ලංකාවට පැමිණීමට නියමිතය.
ඔවුන් ලංකාවට පැමිණිමට නියමිතව ඇත්තේ සිටි ඔෆ් ඩ්‍රීම්ස් හෝටලයේ පැවැත්වෙන උත්සවයකට සහභාගීවීමටය.
ඒ අනුව එළඹෙන සැප්තැම්බර් 20 වන දින අර්ජුන් රාම්පාල් පිළිගැනීමට සිටි ඔෆ් ඩී්‍රම්ස් ශ්‍රී ලංකා කටයුතු යොදා ඇත. රොක් ඔන්, ඩොන්. ඕම් ශාන්ති ඕම් සහ රාජ්නීති වැනි අතිශය ජනප්‍රිය සිනමා පටයන්හි රංගනයෙන් දායක වී ඇති රාම්පාල් සිය සුවිශේෂී රංගන හැකියාවන් නිසාම ඉන්දියාවේ පමණක් නොව ශ්‍රී ලාංකේය රසිකයින් අතරට ඉමහත් ජනප්‍රියත්වයට පත්ව ඇත. ඔහුගේ ශ්‍රී ලංකා සංචාරයේදී සිටි ඔෆ් ඩී්‍රම්ස් හි Signature Glam හිදී ඔහු වෙනුවෙන් සුවිශේෂී පිළිගැනීමක් සංවිධානය කොට ඇති අතර ඉන් පසු සිටි ඔෆ් ඩී්‍රම්ස් හි අනන්‍ය නිර්මාණ හා වාස්තු විශිෂ්ටත්වය දැක බලා ගැනීමේ සංචාරයක්ද ඔහු වෙනුවෙන් සිදු කිරීමට නියමිතය. තවද ඔහු දකුණු ආසියානු චිත්‍රපට, විලාසිතා හා සංස්කෘතිය කෙරෙහි සිදු කර ඇති දිගුකාලීන බලපෑම ද මෙහිදී අගය කරනු ඇති අතර NÜWA සුඛෝපභෝගී හෝටලයේ නවාතැන් ගැනීමට නියමිතය.
සැප්තැම්බර් 19 වන දින සිටි ඔෆ් ඩී්‍රම්ස් වෙත තවත් සුවිශේෂී දිනයක් උදා වන්නේ ඉන්දියානු රූ රැජිණක් වන ශ්වේතා ෂර්දාගේ පැමිණීම හේතුවෙනි. 2023 වසරේ ලෝක රූ රැජිණ තරඟය නියෝජනය කළ ඉන්දියාවේ ශ්වේතා ෂර්දා නැගී එන කලාකාරිණියක් ලෙස ජනප්‍රියත්වයක් හිමිකරගෙන සිටියි. සිටි ඔෆ් ඩී්‍රම්ස් ශ්‍රී ලංකා වෙත පැමිණෙන ඇය වෙනුවෙන් විශේෂ පිළිගැනීමේ අවස්ථාවක් සංවිධානය කර ඇති අතර ඇය සමඟ ඡායාරූප ලබා ගැනීමේ අවස්ථාවක්ද උදා කර දී ඇත්තේ කොළඹ සුඛෝපාභෝගී ගමනාන්තයේ විශිෂ්ටත්වය සනිටුහන් කරමිනි.
ශ්‍රී ලංකාවේ ප්‍රමුඛතම ගමනාන්තය ලෙස නොමඳ පිළිගැනීමට ලක්ව ඇති සිටි ඔෆ් ඩී්‍රම්ස් ශ්‍රී ලංකා කොළඹ සංවර්ධනයේ සංචාරක උපායමාර්ගයේ ප්‍රමුඛතම සාධකය ලෙසද පෙන්වා දිය හැකිය. විශේෂයෙන් ලොව පුරා පිළිගත් හා ජනප්‍රිය චරිත, කලාපීය බලපෑම්කරුවන් මෙන්ම දෙස් විදෙස් සුවහසක් සංචාරකයින් වෙනුවෙන් සුඛෝපභෝගී සේවාවක් සලසාදීමට කැපවී සිටින සිටි ඔෆ් ඩී්‍රම්ස් ශ්‍රී ලංකා ඉන්දියානු සංචාරකයින්ගේ නොමඳ විශ්වාසය හා ආකර්ෂණය හිමි කර ගැනීමට සමත්ව සිටියි. ඒ නිසාම ඉන්දියානු සංචාරකයින් බොහෝ පිරිසක් සිටි ඔෆ් ඩී්‍රම්ස් හි සුඛෝපභෝගී සත්කාරක අත්දැකීම් ලබා ගැනීමට මෙන්ම එහි සංස්කෘතික හා නිර්මාණාත්මක විශිෂ්ටත්වය දැක ගැනීමට උනන්දුවෙන් පසු වෙති. සිටි ඔෆ් ඩී්‍රම්ස් ඒ වෙනුවෙන් සියලු දෙස් විදෙස් සංචාරකයින්ට ආරාධනා කර සිටියි.
තමන්ටම අනන්‍ය වූ නිර්මාණශීලීත්වය, සුඛෝපභෝගී සේවාව, ආහාර පාන, වාස්තු විශිෂ්ටත්වය වැනි දේ තුලින් මෙරට සංචාරක ක්ෂේත්‍රයේ ප්‍රමුඛත්වය ගෙන සිටින City of Dreams Sri Lanka කොළඹ නගරය තුළ අහස උසට නැගෙමින් චමත්කාර ජනක අත්දැකීමක් සියලු දෙනා වෙත එක් කිරීමට සූදානමින් පසුවන්නේ එහි පැමිණෙන සියලු දෙනා හට අමතක නොවන අත්දැකීමක් උරුම කර දීමට කටයුතු කරමිනි.