විදේශ රැකියා ලබාදෙන පවසමින් රුපියල් ලක්ෂ 24කට අධික මුදලක් වංචා කළ 58 හැවිරිදි පුද්ගලයෙකු ගන්දර ප්‍රදේශයේ දී අත්අඩංගුවට ගෙන තිබෙනවා.
119 තොරතුරු මධ්‍යස්ථානයට ලැබුණු තොරතුරක් මත සිදුකළ වැටලීමකදී සැකකරු අත්අඩංගුවට ගෙන ඇති බවයි පොලීසිය පවසන්නේ.
අදාළ සැකකරු පෑලියගොඩ ප්‍රදේශයේ පදිංචිකරුවෙකු බවයි සඳහන් වන්නේ.
අත්අඩංගුවට ගත් සැකකරු දිසා විනිසුරුවරයෙකු සහ නීතීඥවරයෙකු ලෙස පෙනී සිටිමින් ජර්මනියේ රැකියා ලබාදෙන පවසා රුපියල් ලක්ෂ 24කට අධික මුදලක් වංචා කර ඇති බව පොලීසිය විසින් සිදුකළ විමර්ශනවලින් අනාවරණය වී තිබෙනවා.
ඊට අමතරව මූල්‍ය වංචා සම්බන්ධයෙන් කෙසෙල්වත්ත පොලීසියට පැමිණිලි 03ක් ද ඉදිරිපත්ව ඇති අතර සිද්ධිය සම්බන්ධයෙන් ගන්දර පොලීසිය වැඩිදුර විමර්ශන සිදුකරනවා.